LEGAZPI CITY-Ikakasa kan grupong Piston an nationwide strike sa Marso 26-27 kaiba an manlain-lain na sektor kan transportasyon.
Segun ki Piston President Mody Floranda, sa intrevista kan Bombo Radyo Legazpi na an isasagibo an mahiwasang hiro protesta sa nacion bilang paglaban sa pagmamantenir kan oil deregulation law, oil excise tax, asin an padagos na paglangkaw sa presyo kan diesel sa nacion.
Dagdag pa niya na an basehan kaini, iyo an P55 na presyo kan produktong petrolyo sa nacion bago pa man magkaigwa nin agresyon an Estados Unidos.
Kasabay man sa saindang ipapangapudan an pagpundo sa agresyon huli sa dakulang epekto sa hanay kan mga driver kan pampublikong transportasyon asin sa mga namamanwaan.
Kabale man sa saindang agrangay an pagpapaotob kan P1, 200 na family living wage para sa mga obrero sa bilog na nacion bilang makatarungan ini sa tahaw kan paglangkaw kan mga presyo.
Piglalaoman kan grupo na maparalisa an 100% asin magdagsa an mga namamanwaan para sa gaganapon na welga.
Dobleng pwersa man suboot ini kun sain makikibale an ibang empleyado kan gobierno, hanay kan simbahan, mga jovenes, mga parasisira asin paraooma asin commuters na biktima man kan paglangkaw kan presyo kan produktong petrolyo.
Nangangapudan man si Floranda nin pakikisumaro kan gabos ngani labanan an padagos na kawaran nin aksyon kan administrasyon asin an pagbabasura sa mga dagdag buwis sa produktong petrolyo.
