LEGAZPI CITY – Nangapodan na an pirang residentes sa Barangay Bitano, Legazpi City sa ibang mga barangay na dae ipagtapok an mga basura sa kanal asin salog.
Paliwanag ni Ruby sa intrevista kan Bombo Radyo Legazpi na natatambak kaya an mga basura sa salog na nagigin rason man kan mga pagbabaha sa saindang lugar tuyong igwa nin mga pag-uuran.
Paglinaw niya man na permihan man na nagkokondusir nin cleaning operation an opisyales kan saindang Barangay alagad natitipon suboot digdi an mga basura na nakaka-apektar sa sainda.
Kahagadan niya man sa mga kapwa niya residente na ibugtak na sana sa basurahan an saindang mga basura o itao na sana ini sa mga garbage collector asin ibitaran na ipagtapok ini sa mga salog nganing malikayan an posibilidad nin pagbabaha.
Ipigpapa-ubaya na man ni Ruby sa mga opisyales kan Barangay an pagpapa-otob nin lakdang nganing mamantenir an kalinigan sa salog asin mabawasan an mga basurang pigtatapok sa mga bako tamang tapokan.
