LEGAZPI CITY – Nangapodan na sa lokal na Gobierno an mga residente kan Barangay Quirangay, Camalig na naka-istar sa 7KM extended danger zone huli sa mga aktibidades kan Bulkang Mayon.
Segun sa residenteng si Teresita Moral sa intrevista kan Bombo Radyo Legazpi na nakahanda na an saindang gamit makalihis na abisuhan sinda kan mga otoridad makalihis na isakat an alert status kan Bulkan pasiring sa alert level 3.
Huli man ta nasa boundary sinda kan 6KM permanent danger zone asin extended danger zone an permihan sindang na-e-expose sa ashfall alagad dae pa suboot sinda pwedesir i-ebakwar hangga’t dae nagsasakat sa alert level 4 an bulkan.
Sa ibong kaini an dae na man siya naglalaom na malala pa an sitwasyon kan Mayon kun kaya ibinalik na sana niya an mga pighanda niya kutang mga dadarahon sa evacuation center asin nagpadagos na sana sa pang-urualdaw nindang pamumuhay.
Pigtaram pa ni Moral na problema ninda sa presente an mapagkukuwaan nin malinig na inumong tubig makalihis na mabagsakan nin volcanic ash an saindang mga water source na nagtataong kadifisilan sa sainda.
Aminado man siya na kadaklan sa saindang kataraid na paraooma an labing apektado makalihis na dae na mapakinabangan an saindang mga tinanom na mga gulay makalihis na dae ini makasalbar sa epekto kan Bulkan.
Pangapodan niya man sa lokal na Gobierno na bukas an saindang lugar nganing magresibi nin anumang klase nin ayuda na makakatabang sa saindang mga nasa 7KM extended danger zone.
