LEGAZPI CITY – Pabor an pirang residente kan ciudad kan Legazpi mapadapit sa propwestong halangkawan an sahod kan mga Barangay officials sa enterong nacion.
Magigirumduman kaya na presente nang pigdadangog sa Senado an propuestong dagdag-sahod asin kompensasyon kan mga opisyal kan barangay komo pagbisto sa saindang serbisyong pigtatao sa mga namamanwaan.
Segun ki Rogelio Malto sa intrevista kan Bombo Radyo Legazpi na napapanahon an naunambitang propwesto huli ta sa saindang naginibuhan partikulamente na an mga opisyales kan saindang barangay.
Kadaklan man suboot sa mga Barangay officials sa presenteng panahon an nagsasakripisyo nganing makapagtao sana nin maray na serbisyo sa saindang nasasakupan.
Kahagadan ni Malto na ayuson dapat an trabaho kan mga lideres kan Barangay nganing dae man masayang an dagdag sahod asin an pag-elihir sainda kan mga botante.
