Nagkapirang miembros kan Iglesia ni Cristo (INC) an nagnegar na binayadan sinda nin P3,000 nganing mag-atendir nin tulong aldaw na anti-corruption rally sa Quirino Grandstand, Manila.
Kasunod ini kan mga report na naglalakop sa social media kun saen binayadan suboot an nagkapirang mga raliyista.
Kasabay kaini, tinapos na kan INC an ikaduwang aldaw kan saindang “Transparency for a Better Democracy” rally laban sa korapsyon.
Segun ki INC Spokesperson Edwil Zabala, dae man nangangaipo nin tulong aldaw nganing maipaabot an mensahe nin “transparency” sa tahaw kan isyu nin kurapsyon.
Pigkakarkulong 600,000 an nag-atender sa protesta kan Lunes, Nobyembre 17, na mas hababa sa 650,000 kan Domingo, Nobyembre 16.
Mientrastanto, sinabi ni PMAJ Hazel Asilo sa sarong intrevista na matuninong an ginibong duwang aldaw na peaceful rally kan INC.
Katakod kaini iyo an pagsuspinde kan face-to-face classes sa mga pampubliko asin pribadong eskwelahan sa Manila ngonian na Martes, Nobyembre 18, maski tapos na an peaceful rally kan INC.
 denied that they were paid P3,000 to attend a three-day anti-corruption rally at the Quirino Grandstand, Manila.){kind=link}