LEGAZPI CITY—Nagkawsa nin kawaran sa kuryente asin tubig sa nagkapirang lugar sa Japan makalihis niyugo an southern Kumamoto prefecture nin 7.1 magnitude na linog kan Hulyo 28.
Segun ki Mark Jaeson Leones Bombo International News Correspondent Japan, sa intrevista kan Bombo Radyo Legazpi, nagbabarewas na nin suplay na tubig an gobierno magin mga pagkakan.
Alagad nagkapira man suboot sa mga residentes an nag-panic buying.
Dugang kaini na ini an saiyang enot na bes na nakaeksperyensya nin makusog na linog sa pitong taon niyang pagtinir sa Japan.
Nagdurar an pagyugo nin 30 segundo hasta sarong minuto asin hasta sa ngunyan igwa nin aftershocks.
Segun ki Leones na salbado man an saiyang grupo asin sa presente wara pa man siyang nareresibing report na mga nairido na Pilipino sa nasabing pagyugo
