Ipigbareta kan National Electrification Administration (NEA), na limang mga electric cooperatives sa Mindanao an apektado kan magnitude 7.4 na linog na nagyugo sa Davao Oriental.
Duwa sa mga ini an nagtetenir sa normal na operasyon arug kan SURSECO I asin SURSECO II sa Surigao del Sur, mantang tulo man an naka-eksperyensya nin partial power interruption arug kan DORECO (Davao Oriental), DASURECO (Davao del Sur), asin NORDECO (Northern Davao).
An pagka-octaba kan serbisyo an kawsa kan epekto sa linya kan National Grid Corporation of the Philippines (NGCP) asin ipigsasagibong assessment sa mga linya kan kuryente.
Mantang nagpapadagos an iba pang pagsusuri sa kamugtakan kan ibang electric cooperatives sa Mindanao.
Mientrastanto pasado alas-10:30 nin pagka-aga, tulong (3) private distribution utilities (DUs) man an apektado kan makusog na linog na nagyugo sa Davao Region.
Duwa (2) sa mga distribution utilities an presenteng nagsasagibo na nin assessment, mantang saro (1) man an naka-eksperyensya nin tripping incidents sa saindang pasilidad.
Padagos an monitoring asin pagsusuri kan mga kumpanya nganing masyerto an kaligtasan kan saindang operasyon asin tulos na maibalik an normal na serbisyo kan kuryente sa mga apektadong lugar.
Katakod kaini, sampulo (10) na substation kan Davao Light and Power Company (DLPC) an paramientras na naka-eksperyensya nin power interruption.
 reported that five electric cooperatives in Mindanao were affected by the magnitude 7.4 earthquake that struck Davao Oriental.){kind=link}