LEGAZPI CITY—Kanselado an nagkapirang biyahe kan barko sa pantalan kan Matnog, Sorsogon huli sa huma kan bagyong Verbena.
Segun ki Matnog Municipal Police Station Chief of Police Police Captain Wilfred Lloyd Berdin, sa intrevista kan Bombo Radyo Legazpi, kabale sa nagsuspinder nin biyahe an mga biyaheng Matnog-Cebu asin Matnog-Surigao.
Dugang kan opisyal na cargo trucks na biyaheng Cebu asin Surigao an kadaklan sa mga na-stranded sa nasambitang pantalan.
Mientrastanto, abiso man kaini sa mga mawot magbiyahe pasiring sa mga nasabing lugar na dae na muna magdagos sa Matnog port nganing dae ma-stranded, asin maghalat sa mga masunod na abiso gikan sa magkakanigong ahensya mapadapit sa liwat na pagpapadagos kan mga biyahe nin mga barko.
