Nagdeklara na sa irarom kan state of calamity ang pirang banwaan sa Sarangani, kabale an Malapatan asin Glan, matapos an mapandestrosong magnitude 7.8 na linog na nagtama sa baybayon kan Sarangani kan Hunyo 8, 2026.
Basado sa Philippine Institute of Volcanology and Seismology (PHIVOLCS), nakaeksperyensya an Malapatan ng Intensity VIII, na pigkonsiderar na saro sa pinakamakusog na nairehstro sa linog.
Huli sa danyos, paramientras na isnarado an Masla Bridge makalihis mahiling na posibleng naapektaran an structural integrity kaini.
Mantang sa banwaan kan Glan, nagkawsa nin landslides an linog na humarang sa pirang kalsada, mantang pirang behikulo man an tinamaan kan nagbagsak na gapo.
Segun ki Glan Mayor Victor James Yap Sr., umabot sa 20 katawo an nagadan sa banwaan basado sa paenot na report.
Sa bisa kan executive order, nagpaotob si Sarangani Governor Rogelio Pacquiao nin province-wide emergency measures nganing simbagan an epekto kan linog.
Mientrastanto, idineklara man sa state of calamity ang General Santos City. Pirang parte kan GenSan–T’boli–Surallah Road an paramientras na sinarado makalihis maaraman kan Department of Public Works and Highways (DPWH) na dae na ini ligtas sa mga motorista huli sa danyos.
