LEGAZPI CITY — Sarong dakulang kawaran suboot an pagkaka-reject ki Gina Lopez bilang sekretaryo kan Department of Environment and Natural Resources (DENR) sa pagpapagayon kan kapalibutan.
Segun ki Alex de Guzman, sarong political analyst, makamurumundo suboot na nasayang an pinunan na pagbabago ni Lopez sa mining industry huli sa dae na niya ini maipapadagos pa.
Saro suboot na matibayon na adbokasiya an ginibo ni Lopez na talagang dedikado na atamanon an kapalibutan.
Dinaog sana suboot si Lopez sa teknikalidad huli sa mga akusasyon kan Chamber of Mines asin grupo nin mga minero na bigtime na negosyante.
Huli sa pagkaka-reject kay Lopez, apektado an mga kasaradayan huli sa nawaran sinda nin boses na mapaabot kan saindang hinaing.
Sinabi pa ni De Guzman na sa huri, an mga Pilipino man sana suboot an masapar kan paglalapastangan kan mga minero urog na an mga nag-ooperate nin open pit mining.
Naglalaom man ini na makakapili si Pres. Rodrigo Duterte na iriribay ki Lopez na parehong may passion asin dedikado na mapabago asin mapakaray an likas na yaman kan Pilipinas.
