LEGAZPI CITY – Nasungkit kan sarong Pilipino coach an siver medal sa 2024 World Masters Athletics Championship na isinagibo sa Gothenburg, Sweden.
Ini si Coach Danilo Fresnido na silver medalist sa Men’s Javelin Throw sa age group na 50 hasta 52 anyos.
Sa intrevista kan Bombo Radyo Legazpi kay Coach Fresnido, dae kaini maitago an kaogmahan na liwat na makapag-uli nin medalya para sa Pilipinas.
Segun kay Fresnido, haros taun-taon naman siyang nakakasabay sa top 3 kan World Masters Athletics Championship na pagtitipun-tipon kan mga beteranong atleta sa kinaban.
Pagheras kaini na napapabilib an saiyang mga nakakalaban huli ta namamantinir man giraray an mabaskog na hawak asin kayang-kaya pang makipagsabayan sa kompetisyon sa ibong kan edad.
Alagad disiplina sa sadiri asin dedikasyon an sikreto ngani na padagos na mamantinir an kusog asin an tibay sa pagkawat kan napiling sport na javelin throw.
Naglalaom si Fresnido na padagos pang mairirepresentar an Pilipinas sa iba pang mga international competitions.
