Nakakua nin bulawan na medalya sa 2024 World Taekwondo Junior Championships an pambato kan nasyon na si Tachiana Mangin.
Ini an enot na gintong medalya na nakua kan nasyon sa nasabing torneo na ginibo sa Chuncheon, South Korea.
Dinaog ni Mangin an pambato kan host country na si Hyanggi Kim sa deciding round kan 49 kgs. finals sa score na 7-6.
Antes an deciding round an nakua ni Mangin an panggana sa enot na round 14-8 mantang nakabawi si Kim sa ikaduwang round sa score na 4-3.
Nakalaog sa semis an pambato kan nasyon makalihis na mag-atras an nakatalaang kalaban kuta kaini na si Lamprini Anna Asimaki kan Greece huli sa injury.
