Piglalaoman na magian na an pasanon kan mga paraoma sa Isabela makalihis na pangenotan ni Presidente Ferdinand Marcos Jr an inagurasyon kan pinakadakulang solar-powered pump irrigation project sa nacion sa Cabaruan, Quirino, Isabela.
Pinunan an nasabing proyekto kan National Irrigation Administration kan 2023 asin natapos kan Pebrero 2024 na pinondaohan nin halos P65.77 million sa irarom kan Magat River Integrated Irrigation System.
Sinabi kan Presidente na an proyekto an masimbag sa problema sa dakuang pigagastos kan mga paraoma ngani na mapatubigan an saindang mga omahan huli sa paagi kan solar technology an libre na an pagpapatubig.
Sa irarom kan kaini, piglalaoman na mapatubigan an 350 na ektarya kan omahan asin pakikinabangan kan halos 237 na mga parama nin paroy.
Inihayag ni Presidente Marcos Jr na sarong paagi an nasabing proyekto ngani na mapakusog an sektor kan agrikultura sa nacion.
