Ipinadara kan Pilipinas an kaenot-enoteng frozen durian export sa China, na parte kan trade agreement sa irarom kan Regional Comprehensive Economic Partnership (RCEP).
An nasambitang exportation an piglalaomang magpapakusog sa ekonomiya kan nacion asin magtatao nin kadugangang ganansya sa mga lokal na paraooma kan durian.
Segun sa Department of Agriculture, an halangkaw na demand para sa durian sa China an nagbukas kan oportunidad para sa mga Pilipinong paraooma na maipabisto an saindang produkto sa mas mahiwas na merkado.
Piglalaoman man na an matrayumpong pag-export na ini an magtataong dalan sa mas kadakol na agricultural products kan Pilipinas na makalaog sa world market.
Padagos man na nakikipagtabangan an gobyerno sa manlain-laing sektor nganing mamantinir an kalidad asin kaligtasan kan mga produktong ipig-eexport.
.){kind=link}