LEGAZPI CITY- Nadukayan ang sarong pinagtutubudan na Improvised Explosive Device (IED) sa Brgy. Sukip, Pioduran, Albay.
Sa impormasyon na nakua kan Bombo Radyo Legazpi, napag-araman na sarong concerned citizen na residente kan banwaan an nagturn-over kan pinagtutubudan na IED sa hepatura kan Pioduran MPS.
An nasambitan na pampasabog an nasa laog kan sarong PVC pipe na pininturahan asin igwang electrical wire na kolor pula asin itom.
Nagtutubod man an mga otoridad na posibleng piglaag an IED kan CPP-NPA bilang landmine ngani na magkondusir nin ambush kontra sa pwersa kan gobyerno na nagbabantay sa lugar.
Sa presente dae pa maaraman kun siisay an nagwalat kan nasambitan na pampasabog asin nagpapadagos pa an ipigkokundusir na imbestigasyon kan mga otoridad.
