Inanod pasiring sa Pag-asa Island sa West Philippine Sea an mga basura na pinagtutubudan na hali sa mga barko kan China.
Segun ki Pag-asa Island coordinator Marilou Valles na may mga barko kan China sa nasabing teritoryo asin posibleng pigtatapok sa kadagatan an saindang mga basura.
Nahiling kaya sa label kan nasabing mga plastic bottles asin mga sachets an mga Chinese characters.
Segun sa opisyal na nakaka apektar an nasabing mfa basura sa kalinigan kan baybayon asin wara sindang magiginibo kundi linigan ini.
Nagtarabangan na man an lokal na mga residente ngani na magkondusir nin coastal cleanup.
Sa presente, marurumduman na nagtetenir man liwat sa West Philippine Sea an mga China Navy, China Coast Guard, asn an mga militia vessels huli sa padagos na pag ka-klamar kaini kan nasabing teritoryo.
