Pinaglalaoman kan Bangko Sentral ng Pilipinas na posibleng nasa pagultangan nin 1.4% hanggang 2.2% an inflation rate sa bulan nin Oktubre 2025.
Paliwanag kan ahensya na an paglangkaw sa presyo kan bagas, sira, gulay, kuryente, asin pagluya kan piso an posibleng magin kawsa kan dugang na pressure sa kantidad kaini.
Pinag-aantisiparan man na makakatabang an pagbaba kan presyo kan petrolyo, karne asin prutas ngani na mabawasan an epekto kan inflation.
An forecast an parte kan mas mahewas na lakdang kan Bangko Sentral ng Pilipinas ngani na mamantenir an kusog kan ekonomiya sa tahaw kan pabagu-bagong sitwasyon sa world market.
Magtetenir man ining mapagmatyag sa mga local asin international na aspeto na posibleng maka apektar sa inflation asin pagtalubo kan ekonomiya.
