Posibleng magkaigwa na nin kaenot-enoting cable car system an Pilipinas sa taong 2028.
Segun sa Department of Transportation, natapos na an feasibility study para sa Antipolo Cable Car Project na magkokonektar sa MRT-4 Taytay Station sa Antipolo City.
Sa masunod na taon, pinaglalaoman na mapuon na an saro pang feasibility study na maaraman kan magagastos sa proyekto asin an matatabangan kaining mga pasahero.
Kung magdederetso an proyekto, posibleng mapunan an bidding sa taong 2026 saka ini matatapos sa taong 2028 o makalihis sana an duwang taon.
Pinondohan an mga feasibility studies sa proyekto kan Asian Development Bank.
Enot na pinunan an proyektong cable car system kan administrasyon ni dating Presidente Rodrigo Duterte kung sain planong isabay an Manila Urban Car Cable Project na nagkakantidad nin $100-million
