Nag-uli nin silver medal an Pilipinas sa Women’s Sepaktakraw Doubles makalihis magpalyar kontra sa Vietnam sa saindang Gold Medal Match sa 2026 Asian Games.
Pinangenotan ninda Jean Marie Sucalit, Abegail Sinogbuhain asin Nelly Jay Salon an kampanya kan Pilipinas sa laban para sa bulawan na medalya.
Amay na nakontrol kan Vietnam an kawat sa enot na set makalihis makakuwa nin limang puntos na kalamangan, 8-3.
Nadifisilan man an Pilipinas na makahabol huli sa agresibong opensa asin makusog na depensa kan kalaban, hasta sa dagos na naselyuhan kan Vietnam an enot na set sa score na 15-8.
Dagos na isinarado kan Vietnam an laban makalihis an ikaduwang 15-4, para masungkit an gold medal, mantang nakuwa man kan Pilipinas an silver medal.
