Nagrehistro nin kasaysayan sa football an Pilipinas makalihis na daogon ninda an Thailand
Sa enot na pagkakataon sa laog kan 52 taon an dinaog kan Philippine Men’s National Football Team an Thailand 2-1 sa semifinals kan ASEAN Championship AFF Mitsubishi Electric Cup.
Sa enot na goal an nailaog ni Sandro Reyes sa laog nin 21 minuto sagkod maitabla kan Thailand sa paagi ni Suphanan Bureerat sa huring minuto kan first half.
Paglaog nin second half an nailaog kan 25-anyos na si Enriquie Linares para dagos ng maipanggana kan Pilipinas.
Nagin sulit an paghihiling kan nasa 7,116 kan mga Pinoy sa Rizal Memorial Stadium.
Gigibuhon an Leg 2 kan semifinals sa Lunes sa home court naman kan Bangkok, Thailand.
