Ipigsugo ni Presidente Ferdinand Marcos Jr, ang pagre-recalibrate kan paghahanda kan Pilipinas para sa ASEAN 2026 nganing makatipid asin matutukan an mga importanteng orolay.
Segun sa Presidente, bilang parte kaini, ililipat online an pocomas o menos 650 preparatory meetings, kabale an mga pag-oolay kan working groups, senior officials, asin ministerial level.
Kinumpirmar ni Presidente Marcos na gigibohong “bare bones” o simple ang Leaders’ Summit sa Mayo, na matutok sa mga isyu siring kan seguridad sa enerhiya, pagkaon, asin kapakanan kan migrant workers.
Nagluwas na nin memorandum ang gobierno nganing ipaotob an mga pagbabagong ini, kabale an paggibo kan diplomatic briefings kan Department of Foreign Affairs.
Segun man ki Executive Secretary Ralph Recto, obheto kan lakdang na ini na pakusugon an pagkasararo kan ASEAN asin makabilog nin konkretong simbag sa mga pankinabang agyat, urog na sa tahaw kan krisis sa Middle East.
Piglalaoman mang makakatipid an gobierno asin itatagama an pondo sa mga programang matabang sa mga namamanwaan apektado kan global oil crisis.
Tinawan-doon kan gobierno na importante ngunyan an tulos na aksyon asin praktikal na solusyon kaysa engrandeng seremonya.
