LEGAZPI CITY-Interesado an gobyerno kan Pilipinas na magbakal nin mga kagamitang pang-depensa sa India.
Ipighayag ini ni President Ferdinand Marcos Jr. na igwang mga nakalinyang mga procurement para sa kagamitan kan Armed Forces of the Philippines (AFP) na parte kan pagpapadagos kan modernisasyon kan hukbo.
Alagad piglilinaw man kan Presidente na an padagos na pagbakal kan mga military equipment kan Pilipinas, an bako para sa paghahanda sa gera kundi magin handa sa pagtugon sa mga hamon na kinahahampang kan nacion.
Segun pa sa saiya na kaipuhan na depensahan an nacion sa anumang mga peligro.
Dagdag pa kan Presidente na igwang mga joint military exercises na pigsasagibo an AFP kairiba an saindang mga counterparts kaya dapat na i-upgrade an mga kagamitan kan Pilipinas.
Ipigorgulyo man kan Presidente an isinagibong acquisition kan Pilipinas na Indian made na Brahmos missile.
Huli digdi ipighayag pa niya, na igwang mga plano an Pilipinas na dagdagan pa an pagbakal kan mga Brahmos missile orog na magayon an feedback kan mga militar na nag-ooperate sa nasabing kagamitan
