Nairehistro kan Pilipinas an pinakahalangkaw na singil sa kuryente sa mga nacion na miyembro kan Association of Southeast Asian Nations (ASEAN) kan Hunyo, segun sa sa Department of Energy (DOE).
Ini an huli sa limitadong suplay asin halangkaw na deman sa kuryente.
Segun ki DOE Undersecretary Rowena Cristina Guevara, uminabot sa P12.43 kada kilowatt-hour (kWh) an average na presyo kan kuryente sa nacion kan Hunyo, na mas halangkaw nin P0.093 kada kWh kumpara sa singil sa Singapore.
Ipinaliwanag ni Guevara na pinakahalangkaw an singil sa Visayas huli sa kakulangan nin suplay sa rehiyon.
Napag-araman na igwang 21 power plant units na naka eksperyensya nin forced outage kaya kaya naglalaom an VIsayas sa suplay hali sa Luzon asin Mindanao.
Mientras tanto, sinabi man kan DOE na naglangkaw an singil sa kuryente huli sa halangkaw na demand tuyong summer months.
Huli digdi, kaipuhan paandaron an mga mamahalon na power plants ngani na maibitaran an kakulangan nin suplay asin posibleng brownout.
