LEGAZPI CITY- Padikit-dikit nang ipigpapabisto an Pilipinas sa mga pagtaraid na nacion siring man sa bilog na kinaban, bako sana bilang sarong tourist destination kundi potential host sa mga international events.
Sa intrevista kan Bombo Radyo Legazpi ki Ma. Sally Morra, Tourism Operations Officer asin Marketing Promotions in-charge kan Department of Tourism Regional Office 5, solamenteng an Bicol sana an kasabay na rehiyon kan delegasyon kan Pilipinas sa nagin aktibidad na Sinagapore-Malaysia-Philippine Sales and MICE mission tangarig na i-promote an nasyon.
An MICE an nangangahulugan kan meeting, incentives, conventions asin exhibitions na konsentrasyon ninda sa ngonian.
Kaibanan man sa aktibidad na ini an nagkapirang owners kan hotel asin travel agencies hale sa nacion siring man an mga kaparehong establishment owners sa counterpart na nagkaigwa nin business to business meeting asin sales kan mga ipig-oopresir na servicio asin produkto.
Nangenot sa nasabing okasyon an Tourism Promotions Board kan Pilipinas na siya man na marketing arm kan DOT.
