Ipigbuyagyag kan Department of Foreign Affairs na pigkokunsiderar kan Pilipinas asin Estados Unidos an posibilidad kan paghihilingan ninda Presidente Ferdinand Marcos Jr. asin US President Donald Trump.
Ini an kasunod kan nangyaring pag-oolay sa telepono ninda Foreign Affairs Secretary Enrique Manalo asin US Secretary of State Marco Rubio.
Marurumduman na enot ng sinabi ni Presidente Marcos na magtetenir an makusog na alyansa sa pagultangan kan Pilipinas asin Estados Unidos sa irarom kan liderato ni Trump.
Natukar man ninda Manalo asin Rubio an dapit sa defense asin security cooperation sa pagultangan kan duwang nacion.
Kaibanan digdi an suporta kan Amerika sa defense modernization kan Pilipinas asin isyu sa West Philippine Sea.
