LEGAZPI CITY — Dae na nagibong maisalbar pa sa kagadanan an sarong pigtutubudang miembro kan notorious Concepcion criminal gang sa Bicol na ipigtutukdong nasa likod man kan nagkapirang high-profile crimes sa rehiyon siring man sa iba pang pagtaraid na mga lugar.
Pinagbabadil kan duwang dae pa nabibistong suspek na lunad kan sarong motorsiklo si Romeo Casili kaibanan an live-in partner kaining si Marites Reduta sa Brgy. Zone 3, Libon, Albay sa pagbaba sa piglunadang bus haleng ciudad nin Iriga.
Sa intrevista kan Bombo Radyo Legazpi ki Pol. C/Insp. Diome Cardano, hepe kan Libon Municipal Police, napag-araman na hale an duwa sa pagdangog sa kasong Robbery-Extortion ni Casili sa Balatan, Camarines Sur na posibleng sinundan mantang pauli.
Nagsapar nin fatal shot sa daghan si Casili na nagibo pa kutang maidalagan sa ospital alagad ipigdeklarar na dead on arrival mantang daplis sa walang braso man an nagin lugad ni Reduta.
Sa presente, nagpapadagos pa an imbestigasyon sa pangyayari siring man sa posibleng pagkakabisto kan mga nambadil.
