LEGAZPI CITY—Pighayag kan state weather bureau na may dakulang tsansa na magin sarong bagyo an pigbabantayang low pressure area sa may parteng Mindanao.
Segun ki Philippine Atmospheric, Geophysical and Astronomical Services Administration (PAGASA) Southern Luzon Weather Forecaster Alexis Ruivivar, sa intrevista kan Bombo Radyo Legazpi, sa presente, wara pa ining direktang epekto sa rehiyon kan Bicol.
Alagad madara ini nin mapanganuron na kalangitan asin mga pag-uuran sa rehiyon sa mga masunod na aldaw.
Dugang kan opisyal na maabot sa 2-3 an piglalaomang magigin bagyo ngunyan na bulan kan Agosto.
Mantang sa Setyembre sagkod Oktobre, laoman man an nasa 2-4 an posibleng maglaog na bagyo sa nacion.
Sa Nobyembre nasa 2-3, asin Disyembre nasa 1-2 an piglalaomang magigin bagyo.
Abiso kan opisyal sa publiko na padagos na mag-antabay sa state weather bureau para sa updates mapadapit sa panibagong pigbabantayang raot nin panahon.
