LEGAZPI CITY—Nahulog an sarong pick-up truck sa omahan sa kahalabaan kan national road sa Barangay Burabod, Malinao, Albay kan Domingo nin banggi, Marso 8, 2026.
Segun ki Malinao Municipal Police Station Chief of Police Police Major Jayson Rey Florin, sa intrevista kan Bombo Radyo Legazpi, na basado sa driver kaini na nagkaigwa nin loose control an manibela asin dara na man kan saiyang pagal.
Dugang kan opisyal na nadamay man sa insidente an sarong tricycle na nakaparada sa gilid kan tinampo, siring man an diit na parte nin tiendahan bago ini mahulog sa omahan.
Wara man na nairidong indivbidwal sa nasambitang insidente alagad nakapagrehistro nin damage to property.
Mientrastanto, pagiromdom ni Florin sa mga driver na pwedesir na maggilid nin tinampo kun nakakamati nin pagkapagal asin magpahingalo muna. Siring man an pag-check kan BLOWBAGETS (Battery, Lights, Oil, Water, Brakes, Air, Gas, Engine, Tires, and Sel) huli sa digdi nakasalalay an kaligtasan kan sarong indibidwal urog na pag yaon sa tinampo.
