LEGAZPI CITY – Nagpaluwas nin abiso an Sorsogon Provincial Health Office sa publiko na maging matubis o malinig sa lawas asin palibot ngane na maibitaran an mga helang na dara kan pagbabago ni klima o climate change.
Segun ki Health Education & Promotion Officer Ms. Regina Gonzalgo, uso sa arog kaining panahon an mga mosquito borne deseases siring kan dengue, chikunggunya asin zika virus.
Dae man suboot na likayan an mga water borne desease arog kan cholera, typoid fever asin iba pa na nakukua sa mga kontaminadong tubig asin maating pagkaon.
Katakod kaini, nag-abiso si HEPO Gonzalgo na ugalion na maghugas nin kamot pakatapos asin paraber magkaon asin magkubeta.
Dapat man na siertohun na malinig an pighahandang pagkaon asin lugar na piglulutuan kaini.
Segun pa sa opisyal, dapar man na halion an mga bagay na posibleng istaran nin lamok siring kan mga daeng taklob na bote, plorera, goma kan lunadan asin iba pa.
Tangarig makalikay sa mga nasambit na helang, segun sa opisyal dapat na manteniron an proper hygene, pagmantenir sa healthy lifestyle, pag-inom nin sufecienteng tubig, pag-eehersisyo asin tamang oras nin pagturog.
Tinawan nin doon kan HEPO na madaling maolakitan nin manlaenlaen na helang an mga personang may maluyang resistensya urog na an mga aki asin mga gurang.
