LEGAZPI CITY—Nairehistro an maabot sa 15 rockfall events sa Bulkang Mayon kan mga nakaaging aldaw, susog sa Philippine Institute of Volcanology and Seismology (PHIVOLCS).
Segun ki DOST-PHIVOLCS Resident Volcanologist Deborah Fernandez, sa intrevista kan Bombo Radyo Legazpi, nakakabahala suboot ini huli sa saro ining surface events na nangyayari sa luwas kan bulkan kun sain delikado ini sa mga tawong harani o nakaistar sa bulkan.
Mantinido man na nasa Alert Level 1 an Bulkang Mayon na boot-sabihon an monitoring parameters an medyo abnormal o mas halangkaw sa mga normal na lebel nin mga aktibidad.
Pwedesir man suboot na itaas sa Alert Level 2 an bulkan en kaso na magsakat sa 50-100 an mairehistrong rockfall events kada aldaw digdi.
Padagos man na pigpatanidan kan opisyal an publiko na ibitaran an paglaog sa 6 km radius Permanent Danger Zone huli sa huma kan volcanic hazards siring kan pyroclastic density currents (PDCs), lahar flow, lava flow, ashfall, asin phreatic eruptions.
