LEGAZPI CITY-Padagos an pigpapahiling na halangkaw na aktibidad mantang nagtetenir sa Alert level 3 ang Bulkang Mayon.
Susog sa pinakahuring datos kan Philippine Institute of Volcanology and Seismology (Phivolcs), padagos an pagbuga nin lava sa parte kan tulong gullies kaini asin may panaka-naka o maluluyang strombolian activity asin lava fountaining.
Nairehistro man an nasa 280 rockfall events asin 2 pyroclastic density current signals o uson.
Nakapag-release man nin nasa 2,205 na tonelada nin Sulfur Dioxide Flux(SO2) sa bulkan poon pa kan Marso 27.
Basado sa datos padagos an paghuhubag kan bulkang Mayon asin nanotaran an haros 1,000 metrong taas kan Plume o Steaming sa crater kaini na napapadpad sa south asin southwest.
Huli digdi, mahigot man liwat an patanid kan ahensya na ibitaran an paglaog sa 6km permanent danger zone kan Bulkang Mayon.
