LEGAZPI CITY-Nairehistro kan Department of Science and Technology–Philippine Institute of Volcanology and Seismology (DOST-PHIVOLCS) an paglangkaw kan sulfur dioxide (SO₂) emissions sa Bulkang Mayon, na hudyat kan padagos na unrest kaini mantang nagbaba an iba pang aktibidad siring kan mga rockfall events asin pyroclastic density current (PDC).
Segun kay PHIVOLCS Volcano Monitoring and Eruption Prediction Division Chief Mariton Bornas, sa intrevista kan Bombo Radyo Legazpi na nangangahulugan ini na igwang magma na mababaw asin nagpapakawala nin halangkaw na lebel kan sulfur dioxide.
Nairehistro kasuudma an pinakahalangkaw na sulfur dioxide emission kan Bulkang Mayon makalihis an 15 taon kan magsabog ini kan Disyembre 2009.
Hudyat suboot ini na dai pa tapos an aktibidad kan Bulkan mantang nagbaba an iba pang aktibidad kaini arog kan pagbuga nin uson asin rockfall events.
Nagkakaigwa man nin lava effusion an bulkan asin mga minor strombolian activity.
Paliwanag man ni Bornas na an mga pagyugo bandang Sto. Domingo, posibleng huli sa nape-pressurized na intruding magma.
Panibagong ugali suboot ini kan Bulkang Mayon asin ini an pinakahaloy asin malumanay na explosion kun sain maluway asin panaka-naka an aktibidad kaini.
Patanid man kan ahensya na mas mainam na likayan an paglaog sa 6km permanent danger zone kan Bulkang Mayon
