Nagpatanid an PHIVOLCS sa posibilidad kan mapaminsalang lahar flow hale sa Bulkang Mayon kasabay kan makukusog na pag-uran na dara kan Bagyong “Dante”, Severe Tropical Storm “Emong”, asin habagat.
Segun sa saindang abiso, pwedesir na bumuhos an malapot asin malaboy na lahar sa mga salug na konektado sa bulkan, partikular sa mga banwaan sa Albay.
Urog nang delikado an mga watershed kan Miisi, Mabinit, Buyuan asin Basud na may nawalat pang mga pyroclastic deposit hale sa mga pagsabog kan 2018 asin 2023.
Pig-enganyar kan PHIVOLCS an mga residente asin lokal na gobierno na magin alerto, bantayan an kamugtakan kan panahon asin tulos na magsagibo nin pre-emptive evacuation kun kinakaipuhan.
