LEGAZPI CITY- Pigpapalikay kan Philippine Institute of Volcanology and Seismology an publiko sa huma kan ashfall hali sa bulkang Mayon kasunod kan nairehistrong pinakadakulang pyroclastic density current o usan kasuudma.
Segun ki Resident Volcanologist Doreen Abelinde sa intrevista kan Bombo Radyo Legazpi na laoman an pirmihan na pagkakaigwa nin pagbagsak nin abo sa nagkapirang mga lugar huli sa regular na pagkakaigwa nin uson asin mga rockfall events.
Sinabi man kan opisyal na an rockfall an nagtetenir na contained sa laog kan 6km radius permanent danger zone.
Sa presente effusive eruption suboot an nangyayari o paluway-luway an pagluwas kan lava sa crater kan Mayon kaya pigkokunsiderar ini bilang silensyo na eruption.
Alagad dae suboot pighahali an posibilidad kan pagkakaigwa nin mga saradit hasta moderato na explosion.
Segun ki Abelinde na kinakaipuha na maglikay kan mga nagtetenir harani sa pamitisan kan bulkang Mayon urog pa na pinaka peligroso an epekto kan abo sa salud kan mga kaakian, mga may edad na asin an mga may helang.
