LEGAZPI CITY-Nagtetenir sa alert level 3 an Bulkang Mayon, mantang padagos an aktibidad kaini.
Susog sa pinakahuring datos kan Philippine Institute of Volcanology and Seismology (Phivolcs) na padagos an pagbuga kan lava kaini sa may Basud gully na nasa 3.8 km, mantang 3.2 km sa Bonga gully asin 2.7 km naman sa Mi-isi gully.
Nakakapag-rehistro man liwat an bulkan nin 3 volcanic earthquakes, 13 rockfall, asin 2 pyroclastic density current signals o uson
Mantang padagos an pagbuga nin Sulfur Dioxide na nag-aabot sa 2,843 tonelada poon kan Hulyo 25.
Nag-abot man sa 100 metrong langkaw an Plume kaini hale sa crater na may katamtamang pagsingaw na napapadpad sa northwest na parte kan Bulkan.
Huli digdi, mahigot man liwat an patanid kan Phivolcs sa publiko na ibitaran an paglaog sa 6km permanent danger zone.
