LEGAZPI CITY- Ipinaliwanag kan Philippine Institute of Volcanology and Seismology na an pagsabog kan Bulkang Kanlaon an nagkawsa nin pagluwas kan dakol na amunto kan sulfur dioxide gas.
Ini an kasunod kan mga reports na nakaabot na suboot sa nagkapirang parte kan Visayas, Mindanao asin Southern Luzon an nasabing sulfur dioxide.
Segun ki Phivolcs resident volcanologist Dr. Paul Alanis sa intrevista kan Bombo Radyo Legazpi na huli sa pigbabantayan na low pressure areas sa northwest na parte sa luwas kan Philippine Area of Responsibility, naitataboy kan paros an sulfur dioxide kaya nagkakaigwa nin sulfur dioxide concentration.
Dae suboot nahihiling an sulfur dioxide alagad kun nakakahalo na ini sa water vapor, nagkakaigwa nin hamog sa tinampo.
Segun ki Alanis na komon na nangyayari an arog kaining mga insidente sa Taal volcano sa Batangas.
Alagad sa presente sinabi kan opisyal na padiit-diit na man na nawawara an nasabing sulfur dioxide gas.
