LEGAZPI CITY- Dae pighahali kan Philippine Institute of Volcanology and Seismology an posibilidad kan pagkakaigwa nin steam driven eruption sa bulkang Bulusan sa Sorsogon.
Ini an katakod kan nairerehistro na halangkaw na volcanic earthquakes sa bulkan, kun sain sa bilog na 24 oras na monitoring kan ahensya uminabot ini sa 233 volcanic earthquakes.
Segun ki Bulusan resident volcanologist April Dominguiano sa intrevista kan Bombo Radyo Legazpi na an mga volcanic earthquakes an maikokonektar sa pagbatak-batak nin bato sa irarom kan bulkan o an techtonic processes.
Nangangahulugan ini na igwang shallow hydrothermal activity na pwedesir na magkawsa nin steam driven eruption sa anumang vents.
Segun ki Dominguiano na kun pagbabasehan an historya, kan 2022 asin 2025 nagdakol muna an nairerehistrong mga volcanic eruption nagkapirang aldaw antes an pagputok kan bulkan, kaya saro ini sa mga pigbabantayan sa ngunyan.
Huli digdi, pinayuhan kan opisyal an publiko na maging alerto asin ibitaran an paglaog sa 4km radius permanent danger zone.
