LEGAZPI CITY-Nag-abiso an Philippine Institute of Volcanology and Seismology (PHILVOLCS) manungod sa posibleng lahar flow huli sa makukusog na paguuran na dara kan raot nin panahon.
Segun kay Resident Volcanologist for Mayon Volcano Deborah Fernandez sa intrevista kan Bombo Radyo Legazpi na sa paagi kan Bagyong Verbena asin epekto kan shearline an magdadara ini nin makukusog na paguuran sa sa Bicol Region.
Dagdag pa niya na posibleng mag-generate nin lahar flows an Bulkang Mayon.
Pinag-iingat man an mga hararaning lugar sa bulkan kaiba an Miisi, Binaan, Mabinit, Buyuan, Anoling, Matanag, Bonga, asin Basud Channels.
Kasabay man suboot an banwaan kan Guinobatan kun pirmihan an pagbabaha tuyong makusog an uran orog na sa parte kan Masarawag asin Maninila Channels.
Sa presente an wara pang potensyal na lahar flows alagad posible man giraray an mga rockfall events asin iba pang deposits kan Bulkang Mayon.
Mantang nagtetenir man giraray sa Alert Level 1 an Bulkang Mayon, pinag-iingat man an publiko huli sa posibleng kasing dakula kan sarong harong an mga rockfall events.
Dai man giraray pighahale an posibilidad na mga phreatic erruptions na may darang abo o gapo orog na ngonian na rainy season.
Pagirumdom kan opisyal sa gabos na ibitaran an pagrani sa 6km permanent danger zone siring man sa mga hararani sa salog na magin vigilant huli sa posibleng lahar flows sa saindang lugar.
