Dinepensaran kan Philippine Statistics Authority an P64 na food-poverty threshold na ipinaluwas kan National Economic and Development Authority.
Base sa naging anunsyo kan ahensya, nasa P64 sana an kaipohan kan sarong Pilipino ngani na masabing dae na nagtitios sa pagkaon o bako ng food poor.
Segun kay Bernadette Balamban an chief statistical specialist kan poverty and human development statistics division kan Philippine Statistics Authority, nakabase an kantidad sa average na presyo kan mga pagkaon sa Pilipinas kan taong 2023.
Dae man suboot nararayo an P64 kung ikukumpara sa ibang nasyun na nasa P123 na food-poverty threshold.
Tinawang duon pa kan ahensya na kung magtitipid asin pagkakasyahon an budget, kayang-kaya man giraray na makabakal nin masusustansyang pagkaon.
