LEGAZPI CITY- Nagtao an Philippine Sports Commission (PSC) nin P10 million bilang insentibo sa mga alteta kan Palarong Pambansa 2026 na makakapag-uli nin bulawan na medalya.
Ini an pinaka enot na bes sa historya kan Palarong Pambansa, na igwang itinagamang pondo hali sa ahensya.
Pormal na itinurn over ni Philippine Sports Commission Chair John Patrick Gregorio an nasabing pondo ki Department of Education Secretary Sonny Angara.
Sakop kan nasabing insentibo an mga regular sports asin an mga para-games athletes.
Obheto kaini na tawan nin pagbisto an tibay asin sakripisyo kan mga atleta sa nasabing taunan na sporting event.
