LEGAZPI CITY – Target kan Philippine Red Cross Albay Chapter na mairani sa komunidad an blood station kan opisina.
Sa intrevista kan Bombo Radyo Legazpi ki PRC Albay Chapter Aministrator Rose Rivero, sinabi kaini na plano kan opisina na magtindog nin blood service facility sa primer asin tercer distrito kan provincia.
Narisa kaya na kada igwa nin mangangaipong dugo sa nasabing mga distrito kinakaipuhan pa na magbiyahe pasiring sa ciudad kan Legazpi.
Segun ki Rivero, katabang kan Department of Health (DOH) an Philippine Red Cross sa pagtatao nin salbado asin quality blood.
Magayon man na mapakusog kan mga lokal na gobierno an pag-recruit nin mga volunteer. Huli ta kun mas dakol na volunteers mas dakol na serbisyo-publiko an maitatao kan opisina.
