LEGAZPI CITY—Nadiskubre kan Philippine Army an manlaen-laeng klase nin armas sa Barangay Cabungahan, Cawayan, Masbate.
Segun ki 9th Infantry Division, Division Public Affairs Office chief Major Frank Roldan, sa intrevista kan Bombo Radyo Legazpi, nadiskubre ninda an manlaen-laeng klase nin badil siring kan M15, M14, machine gun, magin mga gamit sa paggibo nin ipigbabawal na anti-personnel mine.
Dugang kan opisyal na wara man naarestar na mga armadong grupo, alagad padagos man sindang nagkukundusir nin follow-up operation para mahanap an mga nasambit na grupo.
En kaso man na madakop an mga may kagsadiri kan mga naunambitang armas kairiba na ini sa mga kaso kan COMELEC gun ban na kun saen nakapaloob sa omnibus election code.
Mientrastanto, nagpasalamat man an opisyal sa mga indibidwal na nagtatao nin mga impormasyon mapadapit sa mga lokasyon kan mga armadong grupo.
Pig-engganyar man ni Roldan na dae sinda magtao nin suporta siring kan pagpadagos kan mga armadong grupo sa saindang mga komunidad huli ta pwedesir ining magkawsa nin peligro sa saindang buhay.
