LEGAZPI CITY-Pigenganyar kan Philhealth an mga saindang mga miembros na aprobitsraan an saindang Yakap Clinic Program.
Kasabay ini kan saindang pagselebrar kan ika-31 na anibersaryo, asin national insurance month ngonian na bulan kan Pebrero.
Segun kay PhilHealth Regional Office V Public Relations Officer III and Public Affairs Unit Head Leri L. Ilagan, sa intrevista kan Bombo Radyo Legazpi na an Yakap Clinic Program, mas nakatuon ini sa pension asin prevention ngani mabawasan an admission o pagpapa-ospital huli sa malalang helang.
Sa irarom kaini, mas dakol na benipisyo an posibleng ma-avail afuera sa dati na libreng mga check-up siring kan mga benipisyo para sa patient emergency care, menta health, preventive oral services, optemetry, severe acute malnutrition, physical medicine asin rehabilitation.
Dagdag pa kan opisyal na sakop kan benepisyo an paglunsar kan ‘Philhealth gamot’ kun sain magkakapag-avail an mga magpaparehistro nin libreng mga medisina na makukuwa sa mga botika sa irarom kan P20, 000 annual benefit.
Target kan ahensiya an gabos na mga Bikolano bako sana an mga miembros kaini, magin an mga indirect contibutors, mga kabale sa subsidies kan gobyerno asin mga dependents.
Katakod kaini, pigeenganyar an mga miembros na magpa-rehistro sa irarom kan programa sa paagi kan pagbisita sa saindang mga opisina, o magin sa saindang portals o website.
