LEGAZPI CITY-Opisyal nang napirmahan kan Philippine Health Insurance Corporation (PhilHealth) asin Bicol Regional Medical Hospital Center (BRHMC) an kontrata ngani makapagtao nin Z-Benefit Package sa mga residente kan rehiyon bikol.
Segun kay Bicol Regional Hospital and Medical Center Medical Center Chief Dr. Eric Raborar, sa intrevista kan Bombo Radyo Legazpi na makakapag-avail na an mga pasyente na kaipuhan i-admit sa sarong ospital.
Piglinaw man ni Dr. Raborar na an mga pasyenteng makakapag-avail, iyo an i-aadmit sa sarong ospital siring kan igwang mga helang na lukemia, breast cancer, o magin an mga igwang open heart diseases na kinakaipuhan na operahan o i-confine.
Importante man suboot na bago makapag-avail an dapat myembro kan Philhealth asun kun bako myembro an pwedisir na magpa-schedule na kairiba man sa mismo sa pag-avail kan nasabing programa.
Obheto man suboot kan nasabing lakdang an pina-simpleng proseso ngani dai na magpabalik-balik an pasyente sa ospital.
Sinabi pa kan opisyal na magigin epektibo man an pag-avail kan mga packages asin masisierto an continuity sa serbiyo kun sain suportado an gastos kan ospital para sa mga pasyente.
Tinawan doon man niya na dai kukuwaon sa pasyente an bayad kan opsital alagad wara na ining babayadan kun sain an ginasto kan mismong ospital an mababalik sa Philhealth para sa sustainability asin continuity kan programa na magigin magayon na bareta suboot para sa mga bikolano.
Mientrastanto, sinabi man kan opisyal na pagabot sa zero balance billing kan ospital, an wara pa sinda kaini poon 2021 kun sain kakatapos pa sana kan pandemiya asin natagbong warang mga kwarta an mga pasyente.
Kaya pigsasaayos na suboot ninda an pagtugon sa siring na lakdang ngani wara nang babayadan an sarong pasyente.
Dai na man ipigtao an detalyes kan opisyal manungod sa iba pang ospital dapit sa zero balance billing huli sa suboot an iba sa mga ospital na ini an under kan mga gobernador, liwat an saindang mga ospital an natatawanan man suboot nin subsidiya hale sa gobierno.
