LEGAZPI CITY-–Pigkonsiderar kan Philippine Fiber Industry Development Authority na dakulang lakdang an pagbale na provincia kan Catanduanes sa Guinness World Records na may kinaaraman sa saindang produktong abaca.
Segun ki Philippine Fiber Industry Development Authority (PhilFIDA) Catanduanes Provincial Fiber Officer Bert Lusuegro, sa intrevista kan Bombo Radyo Legazpi, sa ngunyan nasa plano pa sana ini asin mabilog pa sana nin technical working group nganing pag-ulayan kun pano an magigin proseso kaini.
Alagad pagdoon niya na medyo agyat man liwat kun saen makua nin bastantaneg abaca sa provincia huli sa apektado ini kan nakalihis na bagyong Uwan.
En kaso man na magkaigwa nin diyalogo o mga pag-oolay sinabi kan opisyal na saindang itutukar an nahihiling na angat sa pagbale digdi.
Mientrastanto, segun sa opisyal na ini man an primerong na maintra an nasabing provincia sa nasabing aktibidad.
