LEGAZPI CITY – Pigtuyaw kan pamayuhan kan Puersa Armadas kan Pilipinas an ginibong pangha-harass kan mga rebeldeng New People’s Army (NPA) kasabay kan selebrasyon kan aldaw kan katalingkasan kasuudma.
Marurumduman na duwang magkasunod na pagsakyada an ginibo kan mga rebelde sa syudad kan Ligao asin sa banwaan kan Pioduran kun sain sarong rebelde an nagadan.
Sa intrevista kan Bombo Radyo ki Col. Alden Masagca, commander kan 901st Infantry Brigade kan Philippine Army, sa ngunyan an padagos pa nindang pinag-aaram an pagkakabisto kan nasambitan na miyembro kan mga rebelde na binawian nin buhay sa nangyaring engkwentro.
Pigsiyerto man kan opisyal na warang nadamay sa lado kan mga sibilyan huli ta dae suboot sinda nagsasagibo nin mga operasyon antes na dae nasisiyerto an seguridad kan mga sibilyan.
Mientrastanto, kinondena man ni Masagca an suboot na pagsabay pa kan mga NPA sa mga nangyayaring kariribukan sa nasyon alagad nagpahayag ini nin pagigin bukas sa lokal na pag-oolay na pang katoninongan para ssuboot sa ikakarahay kan publiko.
