LEGAZPI CITY-Ipapaotob kan mga major na kompanya nin telecommunication an pagbabawal sa mga website na nag-i-stream nin mga video nin pambabadil sa eskwelahan asin iba pang kadahasan.
Inanunsyo ini ngonian na aldaw kan PLDT Inc. asin Smart Communications, Inc., na sinda ma-block nin labing 100 na mga website na nag-i-stream o nag-ho-host nin mga footages kan mga pambabadil sa eskwelahan asin iba pang labing kadahasan, bilang parte kan saindang paghihingoa na protehiran an mga users, orog na an mga kajovenesan, gikan sa nakakadanyar na mga content sa online.
Susog ki PLDT Chief Operating Officer Butch Jimenez na dai ninda ini pig-totolerate kaya nagdesisyon sindang pagbawalan an mga mga klaseng ini nin mga “preemptively sites” sa oras na sinda madiskobre.
Sinabi kan kompanya na an listahan i-a-update mantang mas dakol na mga lugar an namimidbid sa paagi kan pagbantay asin koordinasyon kaini sa mga ahensya kan gobierno, mga child protection groups, asin parenting communities.
Siring man, sinabi ni Globe General Counsel Froilan Castelo na an kumpanya komitido na gibohon na mas ligtas an online, orog na para sa mga kaakian asin mga jovenes.
An lakdang na ini pigsasagibo kasunod kan mga fatal school shootings sa sa bilog na nacion.
