Nagtutubod si Presidente Ferdinand Marcos Jr. na kun matatawan nin pagkakataon an Pilipinas na magin miyembro kan United Nations Security Council (UNSC), bako sana para sa sadiring interes kan nasyon an gagampanang papel kaini kundi para man sa karahayan kan ibang nasyon.
Ini an ipinahayag ni Palace Press Officer USec. Claire Castro.
Idinagdag kan opisyal kan Palasyo na an boses asin katuyuhan kan nasyon iyo an pagbusol kan pankinabang kaligtasan, katoninongan, asin seguridad kaiba an iba pang mga estadong miembros kan United Nations.
Pwedesir man suboot na pag-olayan kan Pilipinas an sadiri nindang national security issues sa Security Council.
An Pilipinas an nagmamawot nin sarong non-permanent seat sa United Nations Security Council para sa termino kan 2027–2028, kun sain nakatalaan na gibuhon an eleksyon sa Hunyo 3, 2026.
Bilang pangenot na sangay kan United Nations na may mandatong mateniron an pangkinabang katoninongan asin seguridad, an UN Security Council an nangangataman man sa mga situwasyon na nangangaipo nin peacekeeping operations sa manlaen-laen na parte kan kinaban.
, it will play a role not only for the country's own interests but also for the benefit of other countries.){kind=link}