Sa tahaw kan magkakasunod na sakuna arug kan pag-linog, bagyo, asin pagbaha sa manlain-laing parte kan nacion, nagpatanid an Philippine Psychiatric Association (PPA) sa posibilidad kan pag-eksperyensya kan “disaster fatigue” kan pirang namamanwaan.
Segun ki Dr. Joan Mae Perez-Rifareal, presidente kan PPA, an disaster fatigue sarong klase nin emosyonal asin mental na pagal na nag-uugat sa pagmati nin kawaran nin kontrol sa mga nangyayari sa palibot.
Bilang kasimbagan, abiso kan eksperto na ituon an pansin sa mga bagay na kaya nyatong kontrolon, arug kan pagigin handa sa panahon kan sakuna, pagsunod sa mga abiso kan awtoridad, asin pag-aataman sa sadiring salud.
Dagdag pa ni Rifareal, importante man an pagtatarabangan kan komunidad asin an pagsimbag sa pangangaipuhan kan lambang saro nganing mamantenir an katatagan sa tahaw kan krisis.
 has warned of the possibility of experiencing “disaster fatigue” by some citizens.){kind=link}