Nagsagibo nin ”shadowing” an Philippine Navy vessel sa duwang barkong panggiyera kan China makalihis na mahiling na nag-agi ini sa teritoryo kan Pilipinas sa Basilan Straight na parte kan Zambonga Peninsula.
Segun ki Armed Forces of the Philippines Public Affairs Office Chief Col. Xerxes Trinidad, dineploy kan NavForWem an BRP Domingo Deluana ngani na imonitor an pag-agi kan duwang People’s Liberation Army Navy vessels.
Sinabi kaini na nagtao nin sarong standard challenge an Philippine Navy vessel sa Chinese war ships.
Saro sa duwang barko kan Qi Jiquang an nagresponde asin pigsasabing nasgagibo sana sinda nin navigation hali sa saindang huling port of call sa Dili, Timor Leste asin pasiring sa Dalan, China.
Inasegurar man kan Armed Forces of the Philipines na magtetenir sindang nakabantay sa gabos na aktibidad sa laig kan maritime zone asin nagpromesang ipagpadagos an seguridad sa kadagatan na sakop kan Pilipinas.
Katakod kaini, ipagpapadagos man an pag-uphold sa international maritime laws mantang pigbabantayan an territorial integrity kan nacion.
